Calidade de vida

Este domingo  coa inestimable colaboración-aprobación do concello celébrase, apoteose de sensibilidade, na Praza de S. Fernando un festival de música techno coa participación dalgúns DJs deses mesmos locais que, sen licenzas apropiadas, contribúen semana tras semana, ano tras ano, á degradación do casco e da calidade de vida dos veciños.
 Será unha noite máis na que aturaremos o que non tiñamos que aturar, en que o patrimonio correrá os riscos sabidos. Para qué extendernos.

Todo sexa por apoiar un modelo de negocio e de cidade que a todos, excepto aos catro empresarios, empobrece. Non importa. O concello nesta cada vez menos esperanzadora Nova Era prometida, seguindo a inercia do seu negro pasado, consente e apoia actividades e actitudes que representan a negación do que moitos entendemos por un casco histórico digno, a pesar das bensoantes declaracións como as que reproducimos na columna da dereita para que non caian no olvido, a pesar de tantas palabras adobadas con sonrisas.
Xa vemos os feitos, que é o que conta,  xa entendemos qué urbanismo, qué calidade de vida se propugna cando con palmadiñas na espalda se anima a que a movida coñeza estes pubs con licenza de ferretería tan marchosos e modernos que fan do noso Tui un referente na rehabilitación dos cascos históricos nas facultades de Arquitectura de medio mundo.
Terá fuxido a vergoña do mundo?