Páxina web para informar aos cidadáns

Fai uns días comentábamos as moitas deficiencias da páxina web do concello, non só respecto das informacións turísticas e xerais senón tamén, algo máis grave, en relación coa información que se lle ofrece oas cidadáns. A comparación con outros concellos viña a reforzar se cabe aínda máis a nosa queixa. A opacidade informativa sobre plenos, comisións, plans urbanísticos, proxectos, etc. non casa coa pretensión de que os cidadáns participen na vida política e den pulo á democracia no seu senso máis amplo e vivo, máis alá do ritualismo das votacións. A saúde democrática ten unha relación directa coa transparencia na xestión dos servidores públicos.
Por iso é para nós unha boa nova que Acción/Alternativa Tudense teña presentado estas peticións ó Concello ( escrito 1 e 2). Un pasiño máis, se é escoitado, neste exercicio difícil, polo que se ve, da información e a transparencia na xestión da cousa pública en democracia.

Engadimos algúns enlaces, neste caso á web de Viveiro, para exemplificar as diferentes maneiras de facer as cousas:

• Información de plenos,
• Actas das Xuntas de Goberno
• Ordenanzas actualizadas

Na web do noso Concello:

• Ordenanzas (cinco, a última do 2009)
• Xuntas de Goberno (sen información)
• Plenos (non hai información, aínda que parece que hai un previsto para o 2015)