Intramuros apoia a Plataforma Cidadá Son de Tui na idea de que o seu proxecto é a resposta necesaria aos problemas que sufre o Casco Histórico de Tui dende hai moitos anos e que vimos denunciando no noso blog. Seguimos abertos ás propostas de todos, á vosa participación.



20/8/12

Como veciña é unha honra escribir como Concelleira...

Non acaba un de sorprenderse coas demostracións de  capacidade e competencia dalgúns dos nosos representantes municipais, co seu arroxo asumindo responsabilidades que lles quedan grandes, coa vergonza allea que temos que sufrir cando falan, cando escriben ou cando actúan.

Hoxe chega a nós o antolóxico texto co que acompañamos estas palabras, firmado nada menos que pola nosa concelleira de Educación e Cultura, que responde a un nivel de redacción no que se misturan impúdicamente a escolarización básica coas altas pretensións do cargo. Nel conviven sen decoro as incongruencias, as repeticións, o léxico pretencioso pero inadecuado. A vulgaridade.

Apena ver estas demostracións de mediocridade satisfeita e sen complexos en quenes teñen moito que facer e idear nestes difíciles tempos nos que non nos podemos permitir o que dende sempre ven sendo moneda corrente nos concellos. É agora cando doe máis ver como se tapona co cemento da incompetencia o acceso a tanta xente capaz e formada para funcións que desenrolarían coa eficiencia e intelixencia que escasea na corte. Somentes pediríamos un sentido do pudor e da realidade ante os cidadáns que confiaron en que eles, ese foi o seu compromiso, están en situación de asumir as complexas responsabilidades do seu traballo.

Un pobo non pode avergoñarse dos seus representantes.




1 comentario:

  1. Alá Vou Miñañai28 de agosto de 2012, 10:54

    O pobo, o que se dis o pobo chan, ese mesmo pobo que constitue o chan electoral dos que nos mal gobernan, non se avergoña porque non se decata.

    ResponderEliminar