Amores perros

Como xa se podía aventurar e coma se non houbese problemas que solucionar, agora o que se fai e crealos novos: xa xurdiron as primeiras liortas entre quenes, cos famosos carteis á vista, chaman atención a calqueira que pasee o seu can sen os correspondentes accesorios e quenes, sen molestar a ninguén e con educación, vense agora culpables de non se sabe qué histeria carteleira que rodea o Náutico.


 Según parece foi unha decisión que partiu  da concellalía de Xardíns, que, xa que temos poucos e non hai moito que facer, adícase agora á cartelería canina. Non estaría de máis que, postos neses cometidos, indicase, aproveitando os estandartes instalados, que as augas da praia non son aptas para o baño -ou polo menos ata fai pouco, ata que desapareceu o cartel que o advertía-, que se recollan os restos das merendolas e cumples no parque, que se deixe limpo os espazos adicados o botellón, e, acabada a cousa, que nos sorprendese con algún xardín que faga honor o nome desa concellalía virtual e ao que nos custa.


Como curiosidade diremos que algúns destes famosos carteis -dos que sabemos- nin siquera foron instalados por persoal do concello, algo que podería interpretarse como unha invitación a por tamén os que nos pete onde nos pete, á vista de tan curioso procedimento, prohibindo o que sexa, visto que tampouco fan falla ordenanzas.
 Empeza ben esta Nova Era "centrada na calidade de vida" dos cidadáns, nas "pequenas cousas".

Proporcionamos algunhas ligazóns de interese:

• Real Decreto 287/2002 sobre animais potencialmente perigosos (E)
• Real Decreto 1570/2007, de 30 de noviembre, por el que se modifica el Real Decreto 287/2002 (E)
• Decreto 90/2002 sobre animais potencialmente perigosos (G)
• Lei  1/93 de protección de animales domésticos  (G)
• Decreto 153/1998 que desenvolve a lei anterior (G)
• Regulación en Galicia do pasaporte e cartilla sanitaria (G)