Abre la muralla

Vista dende as escaleiras

A situación de  abandono e deterioro do paseo fluvial non é ningunha novedade para os cidadáns que o frecuentan, ou mesmo para aqueles que se asoman a estas páxinas ou a TRP. Nenos, maiores, deportistas e paseantes se arriscan polo entarimado día tras día ata que pase unha desgracia máis grave das caídas que xa temos visto. Socavóns e falta de limpeza, coidados de xardiñería inexistentes, improvisación, falta de planificación e mal gusto son os resultados dunha absoluta falta de interés nunha zona da cidade que debería coidarse con especial atención: nela conflúen xogos de cativos, actividades deportivas e de esparcimento, visitantes que gozan da natureza e das fermosas vistas, comidas e celebracións.

Vista dende o paseo

E tamén o botellón.
O vandalismo nocturno ten estas consecuencias nas escaleiras do paseo (non falemos de bancos, coches con desperfectos, roubo de macetas e vandalismos varios, cruceiro de San Telmo, etc). O que empezou fai uns meses por unha pedriña, pouco a pouco, sen que ninguén se ocupe de reparalo, pasou a ser isto que lles ofrecemos nas fotografías e que, de seguir así, pronto será un destrozo aínda maior.
Como xa dixemos moitas veces é claro que non se pode controlar as actividades nocturnas destes descerebrados un a un, pero sen dúbida, o concello non debería quedarse de brazos cruzados. Se verdaderamente lle preocupase os danos ao patrimonio, as molestias no vecindario e os variados destrozos desta ruidosa minoría, xa fai tempo que debería ter controlado licencias e horarios de peche dos locais do casco, que debería ter organizado unha vixiancia efectiva pola policía local e ter controlado os macrobotellóns, moitas veces alentados por celebracións pseudo-musicais organizadas dende o concello na idea de que esta área é apta para semellantes actividades.

Ao pé, os sillares e pedras arroxadas e a limpeza da zona

En fin, todo isto non exime de que cando hai destrozos se reparen canto antes: todos sabemos que un entorno deteriorado é unha espiral hacia un maior abandono. Que así sexa, agora que se aproximan as eleccións e a desidia transfórmase en interés.