Sedentos

Aproveitando a atención no paseo fluvial da concellalía que inaugura a política anticanina do concello, amosamos as imaxes da metamorfose dunha das dúas fontes que existiron nun tempo no paseo. Unha delas na zona anti-can do Naútico e outra, a que nos ocupa, o pé das escaleiras da Praza da Estrela. A degradación comezou así:

Continuou nunha desaparición, que xa lle gustaría ao Copperfield:

E, finalmente convertiuse en...

Un chuzo fálico con toma eléctrica e incrustado en tubo de fontanería,digno de Bienal de Arte que, por si fora pouco, repite aparición uns metros máis adiante. Polas cores da cabeciña debe ser unha marca de sendeirismo que, por se hai dúbidas e o camiñante paralízase na confusa zona, atopa de novo nos límites da praciña. Sen dúbida a concellalía de cartelaría ten futuro. A ver cando alguén se adica aos xardíns e, de paso, entende que para iso non basta cunha desbrozadora.