Chover sobre mollado

As vellas casas derrúmbanse sen e con informes técnicos. Rehabilitacións que non chegaron a tempo para moitos. O casco non ten ordenación do tráfico nen se plantexou a peatonalización de rúa algunha. Non se mantivo limpo o entorno e os veciños fixeron este verán de xardiñeiros. O cableado segue, aéreo como este vento, sen ocultarse. E as pintadas  afean respetables edificios cargados de historia e beleza. Non se cuidan os xardíns, nin se arranxan os parques e paseos. O ruido da fin de semana, rapaciada sen educar que vai de bar en discoteca, resoa nas rúas de pedra entre os aceleróns dos coches que por dirección prohibida circulan con impunidade. Chega o outono cas súas chuvias e só nos faltaba que as alcantarillas non estean limpas e os ríos de auga baixen con gañas de levar todo por diante, con esa furia que a un lle entra cando se para a pensar nesta fermosa cidade, e no abandono sen ideas nen vergoña que sofre, adoecida.