Independencia

Ó fío dunha noticia da edición impresa de hoxe, domingo 19, no Faro de Vigo (polo que non podemos incluir enlace), na que o Bloque denunciaba, entre outras cousas, a situación de abandono do Casco Vello, queríamos dende Intra Muros deixar en claro, sen medias palabras, a nosa independencia respecto de calquer partido, o noso desexo de manternos ó marxe dos xogos e a loita política municipal.
O noso obxectivo e simple: a denuncia dunha situación vergonzosa e que merece a reacción ciudadana. Goberna un alcalde do PP e él é o responsable de tanta incompetencia, pero iso non significa que apoiemos outra opción política. Non entramos niso,nin, naturalmente, tampouco deixaremos de agradecer a quenes nos axuden nesta tarea, sexan do PP, do Bloque, do PSOE,Converxencia XXI, ou da Igrexa da Ciencioloxía. Para nós é unha cuestión de cidadanía, de senso común...e o resto é cousa de cadaquén.
É de agradecer que, con notas de prensa coma a referida, se faga máis visible o noso problema, e que os partidos, coma neste caso o BNG, se impliquen na defensa do noso patrimonio, pero desexamos que non se interprete capciosamente: nada máis lonxe das nosas pretensións. Tamén queremos dar as gracias ó apoio de Converxencia XXI que dende o primeiro momento animounos con entusiasmo na nosa iniciativa, dándolle a publicidade que poido e, tal vez, non teña as mesmas facilidades para aparecer na prensa. Temos seguidores do PSOE, tamén preocupados, nos consta, pola situación. E, en fin, no PP e partidos afíns tamén hai xente que comprende que temos razón. E diso se trata. A acción política no seu senso máis estricto deixámolla a outros, respectándoa, conscientes da súa necesidade e importancia.